O 22 de abril de 1909 son asasinados sete veciños de Oseira. O Bispo de Ourense mandara retirar o baldaquino do mosteiro cisterciense de Oseira ante o seu mal estado de conservación mais a veciñanza oponse polo que o bispo recorre á Garda Civil. Os veciños e veciñas, armados con útiles de labranza, encérranse na igrexa do mosteiro para protexer o baldaquino facendo a Garda Civil uso das armas co resultado de sete mortos e doce feridos.
