En atalaia alerta

Accésit Premio Esquío 1999

En palabras da propia autora “En atalaia alerta é un libro tráxico no sentido de furgar nas feridas, polo sangue que brota. É unha negación da infancia. A visibilización da dor que produce o pasado nun momento concreto de ruptura, e sen embargo o penúltimo poema fala de que hai unha luz de futuro”. Constata Rafa Vilar na edición da Col. Esquío de Poesía: “da Atalaia alerta é un libro que recorre e transita os camiños da dor, a dor producida polo regreso da voz poética á casa da infancia, mais trascenden do propio perfil biográfico para ser voz do conxunto das mulleres. É esta unha obra que camiña pola dor, a perda e en que se descobre como único camiño certo o da emancipación.”