Neira López, Xoán

XOÁN NEIRA (Meilán-Lugo, 1953)

Mestre en Viveiro, onde reside desde 1982. É membro fundador do Seminario de Estudos "Terra de Viveiro" co que participa en publicacións colectivas e outras actividades.

Colaborador das páxinas de El Progreso-A Mariña, Heraldo de Vivero. Publica poemas en revistas: Guieiros, Lúa Nova, Anto, Saudade, A Xanela, A Casa da Gramática e Xistral entre outras.

Premiado en distintos certames de poesía: Meigas e Trasgos, Concello de Vilalba (en tres ocasións), Rosalía de Castro de Barcelona... e nos de xornalismo Reimóndez Portela (A Estrada) e Begonte e o Nadal, tamén en tres ocasións.