Constelación de Ío

Constelación de Ío quere ser unha porta de entrada ao mundo do pensamento fantástico dos rapaces, unha aventura que introduce os lectores nun xogo de preguntas dun neno que descobre o mundo e se sorprende por vez primeira ante el. Un libro que é coma un brinco, literatura coa que nos interrogar e pensar. 
Na fronteira entre xéneros, sitúase esta primeira achega narrativa de Xosé M. Eyré, na que o autor explora as reaccións dun neno ante a realidade do mundo, unha viaxe entre imaxinación e razón, entre creación e pensamento.