Melancolía líquida da idade das vacas

Premio Esquío de poesía 2008

Nunha entrevista expoñía o autor que é este un libro sobre as raíces, pero antienxebrista, “unha reflexión sobre un mundo ata certo punto devastado, que vivín na miña infancia e adolescencia”. Indícasenos na edición da Col. Esquío de Poesía: “A Idade das Vacas. Eran animais de traballo con biografía de seu, con historia intransferible, e convertéronse en criaturas estabuladas. Vacas bergmanianas en iteriores impostos que atesouran a memoria dun tempo devastado: o da infancia no campo. Este libro é unha viaxe de retorno polo carreiro do tempo ido...”
Contén este libro as partes: De prados e vacas bergmanianas, Como Breviario de disidencias, Historias da cidade acristalada, Viaxe oriental á orixe e Outros traballos do campo.